ప్రతీ ఏడాది, ఆ సంవత్సరం ప్రచురితమైన కవితల్లోంచి అత్యుత్తమ కవితలని ఎంచుకుని ఒక సంకలనంగా ప్రచురిస్తున్నారు సాహితీమిత్రులు. కాలానుకనుగుణంగా కవితలను పరిణామాల్లో అంశాలకు ఆవిర్భావ వికాసాలకు ఇవి దర్పణాలు. సంపాదకులు పాపినేని, దర్భశయనం వారి ప్రమాణాల మేరకు కవితల్ని ఎన్నిక జేయడం జరుగుతుంది.

ఈ పుస్తకం 2007లో ప్రచురితమైన కవితల్లోంచి ఏరిన 97 కవితలలో కూడిన సంకలనం. ఉత్తమ కవితలను ఒకేచోట ఆస్వాదించేందుకు ఈ పుస్తకం చదవాలి.

చివరి అట్ట మీది కవిత మీ కోసం

* * *

నాకు తెలుసు

నాకు తెలుసు
నాకు ఖననముండదని
చావుని బతుకుతో
సమానం చేసేవాడిని
సమాధి చేయడం చాలా కష్టం
దానిలో మార్గం ఏర్పరిచినపుడు
చావులోనూ
బతుకులోనూ బతికే వాణ్ణి
సమాధి చేయడం మరీకష్టం
నాకు తెలుసు
నాకు ఖననముండదని

బల్గేరియన్ మూలం: దానిలాస్టోయిలోవా

తెలుగు అనువాదం: కె. శివారెడ్డి