ఈ సంకలనంలోని కథలన్నీ మనం అమితంగా ప్రేమించే ఈ సమాజపు లోలోపలి పొరల్ని చీల్చి చెండాడినివే! మనకూ - మన ప్రియ సమాజానికి ఉన్న మౌలిక సంబంధాల్నీ, అనుబంధాల్ని ఉతికి ఆరేస్తున్నవే! మన వ్యక్తిగత 'ఎజెండాల్ని' నిర్దయగా, నిర్మొహమాటంగా ప్రశ్నిస్తున్నవే!

- జాతశ్రీ

పూర్వం మన తెలుగు కథలన్నీ అవి ఎక్కడ పుట్టినా, చివరకు కంచికి చేరేవి. కథెప్పుడూ కంచికి చేరకూడదు. మనతోపాటు అవి మన ఇంటికి చేరాలి. ఈ స్వభావం
కలిగి ఉన్నదే ఆధునిక కథ అవుతుంది. ఈ సంపుటంలోని కథలన్నీ ఆధునికమైనవే కాక, వర్తమాన స్వభావాన్ని కూడ నిండుగా పులుముకొని ఉన్నాయి.

- మేడిపల్లి రవికుమార్