రవి బహుప్రతిభావంతుడు. ఇంతకుముందు ప్రచురించిన 'బొడ్డుపేగు' వచన కవితా సంపుటితో తన సత్తాను నిరూపించుకున్నాడు. ఇప్పుడు ఈ సంపుటిలో సామాజిక స్పృహకు కవితాత్మతకు తార్కాణంగా ఎన్నో నానీలున్నాయి.

- ఆచార్య ఎన్. గోపి

* * *

రవికుమార్‌ నానీల్లో గాఢ అనుభూతి ప్రధానగుణం. బలమైన వ్యక్తీకరణతో కాలం తెరల్ని కవితా ముక్తకాలుగా పాఠకుల హృదయాల్లో నాటుతున్న ఈ యువకవి కలం భవిష్యత్‌ వాగ్దానంలా కన్పిస్తున్నది.

- డా. సి. భవానీదేవి

* * *

ఈ పుస్తకంలోని కొన్ని నానీలు:

వేసవి
ఒకపెద్ద పొయ్యి
చెరువును ఇగిర్చి
రాళ్లు మిగిల్చింది

మట్టిగడ్డ
సిగ్గుపడిందేవిటో
ఈ చక్కిలిగింత
తొలిచినుకుదే

పెళ్ళికి ముందు
తాంబూలాలు శుభలేఖ
ఇప్పుడు
వీసా, పాస్‌పోర్ట్‌లు