2020 సంవత్సరానికిగాను మా సాహితీ సిరికోన వాక్స్థలిలో వచ్చిన ఉత్తమ కవిత్వానికి గాను మా అమ్మగారి స్మృత్యంకితంగా నెలకొల్పిన 'శ్రీమతి ఆసూరి సులోచనా స్మారక సిరికోన' పొయెట్రీ అవార్డును స్వాతీ శ్రీపాదగారు అందుకోవడం నాకెంతో ఆనందకరంగా ఉంది. వారు ఈ తరం ఉత్తమ కవయిత్రి. ఏడాది పొడుగునా సిరికోనలో అద్భుతమైన కవిత్వం రాస్తూ వచ్చారు. వారి కవిత లేని రోజు అరుదు. అలానే ప్రతి కవితలోనూ అరుదైన పదచిత్రాలు, అద్భుతమైన మెరుపులు. ఆ మెరుపుల్లో, వారే ఎంపిక చేసిన 70 కవితల సంపుటి ఈ 'ఇక్కడ ఎవరైనా ఒకటే!'.

- వేణు ఆసూరి