"ఆ... ఆ పిల్లల్ని రక్షించే మార్గం ఏదీ లేదా?" అతని దగ్గరికి పోయి నిలబడుతూ అడిగింది మిరెల్లా.

సాలోచనగా ఆమె వంక చూసి చిరునవ్వు నవ్వాడు కరూబా.

"ఈ ప్రపంచంలో ఆ పిల్లల్ని కాపాడగలిగింది ఇద్దరే ఇద్దరు వున్నారు డియర్..."

"ఎవరు"

"ఒకడు మనల్ని సృష్టించిన భగవంతుడు... రెండు వారిని వెంటబెట్టుకొని తిరుగుతున్న ఆ మొండి దృఢకాయుడు... అతనెవరో నీకు తెలియదు. నాకు తెలుసు. అతను చూస్తుండగా ఆ పిల్లల మీదచేయి ఎత్తినవాడు... తిరిగి ఎందుకూ పనికిరాడు... వంద మంది తుగ్రల్స్ వెంట పడినా వారిని ఏమీ చేయలేరు..."