• Greece Desapu Purana Gathalu
  • Ebook Hide Help
    ₹ 108
    120
    10% discount
    • fb
    • Share on Google+
    • Pin it!
  • గ్రీసుదేశపు పురాణగాథలు

    Greece Desapu Purana Gathalu

    Pages: 129
    Language: Telugu
    Rating
    0 Star Rating: Recommended
    0 Star Rating: Recommended
    0 Star Rating: Recommended
    0 Star Rating: Recommended
    0 Star Rating: Recommended
    Be the first to vote
    0 Star Rating: Recommended
    0 Star Rating: Recommended
    0 Star Rating: Recommended
    0 Star Rating: Recommended
    0 Star Rating: Recommended
    '0/5' From 0 premium votes.
Description

ఈ పుస్తకం రాయమని నన్ను ప్రేరేపించినది ఒక విమాన ప్రయాణం. భారతదేశం వెళ్లడానికి శేన్ ప్రాన్సిస్కోలో ఉదయం 8 గంటలకి బయలుదేరేను. తూర్పు కోస్తాలో ఉన్న న్యూ యార్క్ చేరుకునేసరికి సాయంత్రం అయిదు అయింది. విమానం కిందకి దిగడానికి సన్నాహాలు అయిపోయాయి. కుర్చీల వీపులు తిన్నగా చెయ్యమన్నారు. చేసేం. కుర్చీలకున్న పటకాలు నడుం చుట్టూ కట్టుకోమన్నారు. కట్టుకున్నాం. విమానాన్ని పరుగుబాటకి ఎదురుగా అమర్చి, కిందికి దిగుతోంది. దిగువున నేల కనిపిస్తోంది. ఇంతలో, గభాల్న, విమానం జోరు పుంజుకుని పైకి లేవడం మొదలు పెట్టింది. “మనం దిగబోయే పరుగుబాట మీద మరొక విమానం అడ్డుగా ఉంది. విమానాల రాకపోకలని నియంత్రించే బురుజులో పనివారు నిద్రపోతున్నట్లు ఉన్నారు. మరో చుట్టు తిరిగి వస్తాను. అరగంట సేపు ఓపిక పట్టండి,” అని చోదకుడు చెప్పేడు.

మార్చి 1977 లో టెనెరీఫ్ దీవి మీద ఉన్న విమానాశ్రయంలో పరుగుబాట మీద రెండు విమానాలు ఢీకొని 583 మంది స్వర్గస్తులయిన సంగతి ఒక్క సారి గుర్తుకి వచ్చి ఒళ్ళు ఝల్లుమంది! మనస్సుని కుదుట పరచుకోడానికి నా కుర్చీకి ఎదురుగా ఉన్న టి.వి. లో ఏదైనా కార్యక్రమం చూద్దామని వెతకడం ఉపక్రమించేను. “అపస్వరం అనే ఏపిల్ పండు కథ” (The Apple of Discord) ట. పదిహేను నిముషాలు ట. చూడడం మొదలు పెట్టేను.

కొంటె బొమ్మలతో చెప్పిన కథ. పురాతన గ్రీసు దేశపు కథ. ఇంతకు పూర్వం నేనెప్పుడూ వినని కథ. ఆసక్తితో చూసేను. ఇంత మంచి కథ ఇప్పటివరకు నాకు తారస పడకుండా ఎలా జారిపోయిందా అనుకుంటూ గమ్యం చేరుకోగానే గూగుల్ లో వెతికేను. చాల ప్రాచుర్యం ఉన్న కథ అని తెలిసింది. తిరిగి ఇంటికి వచ్చిన తరువాత మా అమ్మాయిని అడిగితే, “చిన్నప్పుడు హైస్కూల్ లో చదివేను” అని చెప్పింది. విస్మరించదగ్గ చిన్న విషయం పెద్ద తగాదాకి దారి తీసినప్పుడు ఈ కథని ఉపమానంగా చెబుతారు అని చెప్పింది మా అమ్మాయి. నేను పుస్తకాల పురుగుని అయినప్పటికీ ఈ కథ నా కళ్ళ పడడానికి ఎనభై ఏళ్ళు పట్టిందంటే ఈ కథని వినని వాళ్ళు ఇంకా ఎంతమంది ఉంటారో అనిపించింది. ఈ కథ గురించి పరిశోధన చేస్తూ గ్రీసు దేశపు పురాణకథల గురించి ఆసక్తికరమైన అంశాలు ఎన్నో తెలుసుకున్నాను. వాటిలో కొన్నింటిని క్రోడీకరించి చిన్న చిన్న కథలుగా కొన్ని, వ్యాసాలుగా కొన్ని రాసేను. అదే ఈ పుస్తకం. ఈ అధ్యాయాలని ఏ క్రమంలోనైనా చదవచ్చు.

ఈ వ్యాసాలలో వచ్చే పేర్లు మనకి పరిచయం లేనివి. కానీ సంస్కృతం పేర్ల లాగే గ్రీకు పేర్లు కూడా అర్థభూయిష్టాలు. కొన్ని కొన్ని పేర్ల వర్ణక్రమాలలోను, ఉచ్చారణలోనూ తేడా అత్యల్పం. అందుకని ఈ పేర్లని ఎలా రాయాలో, ఎలా ఉచ్చరించాలో, వాటి అర్థాలు ఏమిటో చెప్పడానికి చివరి అధ్యాయం కేటాయించేను.

- వేమూరి వేంకటేశ్వరరావు

Preview download free pdf of this Telugu book is available at Greece Desapu Purana Gathalu