తేలికైన పదాలతో, సరళమైన తెలుగులో బాలబాలికల కోసం చిన్న చిన్న కథలను గేయరూపంలో చెప్పారు రచయిత దాసరి చంద్రయ్య.

***

తప్పు జరిగిన చోట
సరిచేయ లేదుగా..
పెన్సిలు తప్పును తాను
సరిచేసి చూపెగా.

తప్పులు చేయుట సహజం
ఎవరికైన తప్పదు
తప్పు దిద్దుకొన్నవారే
పైపైకి పోదురు.

***

హోరుగాలి ధాటికి
మునగ చెట్టె వణకసాగె
మునగ చెట్టుతో పాటు
సన్నజాజి ఊయలూగె!

వణికి వణికి మునగ చెట్టు
నడుము వరకు విరిగి పోయె
ఊయలూగి సన్నజాజి
వాలిపోయి పెరగసాగె!