:సీ:
వెలువరించెను విశ్వ వీధినిదొలిదోలి
బిచ్ఛకాడై కామ వృత్తి హతిని,
నిలువరించెను మృత్యు నిర్భీక శక్తిని
మొక్కగా సుధ విషమొక్కటియనె.
పలుకరించెను సమభావమ్ముకించిన
ధనద సమాన సాదరతజూపి,
చిలకరించెను సమృత శీకరమ్ముల భూత
జాత విజ్ఞాన సుజ్ఞాన తతికి

తే:గీ:
అష్ట సిద్ధులు తనకు నావేష్టనముగ
దిన మొలందిరుగాడు నా తిరిపెకాడు
దీవ్య ధీశ్వరుడును, నద్వితీయ శక్తు
లలర గాపుర ముండు గైలాసశిఖరి