కథలు చాలావరకూ ఉత్తరాంధ్ర ప్రాంతపు చింతలవలస అనే కుగ్రామం కేంద్రంగా తిరుగుతాయి. అలాంటి కుగ్రామంలోని అమాయకుల బతుకుల గురించీ, నిజాయితీ గురించి, ఆ అమాయకత్వాన్నీ, నిజాయితినీ వాడుకునే నాయకులూ, ఉద్యోగుల గురించి రచయిత చెప్పిన తీరు, వాస్తవాలని పాఠకుల ముందుంచుతుంది. అక్కడక్కడ ఆర్ద్రత కలిగించేదిగా ఉంటుంది.

* * *

వలస జీవుల చింతలను, చింతలవలస నేపధ్యంగా ఆకట్టుకునేలా వ్రాస్తూ, తెలుగు కథను పాల పుంతలికి తీసుకెళ్ళి, శ్వేతవిప్లవంలోని గతుకుల్ని ఆవిష్కరించిన రచయిత డా. రవికుమార్.

- ఎలెక్ట్రాన్ (పింగళి వెంకట రమణారావు)

* * *

గ్రామీణ ప్రాంతంలో పనిచేసే ప్రతీ ఉద్యోగి తప్పనిసరిగా చదవాల్సిన కథలు. గ్రామీణాభివృద్ధి, వ్యవసాయ డైరీ రంగాల్లో శిక్షణా సంస్థలు, శిక్షణలో భాగంగా కేస్-స్టడీస్‌గా చర్చించడానికి ఈ కథలు చక్కగా సరిపోతాయి.

- డా. పైడి శ్రీరాములు

* * *

రచయిత డా. మూలా రవికుమార్ స్వస్థలం విజయనగరం జిల్లా, అమరాయవలస గ్రామము. పశువైద్యశాస్త్రంలో స్నాతకోత్తర పట్టా (M.V.Sc) తీసుకుని, కోస్తా, రాయలసీమలోనూ, రాజస్థాన్, గుజరాత్, మహారాష్ట్రలోనూ పనిచేసారు.