డా. వెల్చాల కొండలరావు గారి భావాలన్నీ బంగారాలే. రసోక్తులన్నీ రమణీయాలే. కొన్ని సామెతలుగా రూపొందాయి. మరికొన్ని ఆమెతలుగా అమరిక పొందాయి. అనేక శీర్షికల క్రింద రూపొందిన ఈ భావశిల్పాలన్నీ సుందరరూపాలే. కళలపై కొండలరావుగారికి అమితాభిమానం. కలలనుండి కళలు పుడతాయని వాస్తవం చెప్పారు. 'కళ ప్రభావం కల ప్రభావం లాంటిది, కొంత చెప్పగలిగేది, కొంత చెప్పగలగనిది'' - ''ఒక దేశ కళలను అర్థం చేసుకోవాలంటే మొదట ఆ దేశ విలువలను, సంస్కృతులను అర్థం చేసుకోవాలన్నది'' ఒక చక్కని అభిప్రాయం.

ఒక కవి కవితా ఖండికలో ఒకటో రెండో చరణాలు సూక్తిప్రాయాలుగా ఉండవచ్చు. కాని సుభాషితాలను సూక్తులను మౌక్తికాలుగా మలిచి మనకందించినందుకు డా. వెల్చాల వారికి హార్దికాభివందనాలు.

- ఆచార్య ఎల్లూరి శివారెడ్డి