వరలక్ష్మి గారివి వివిధ పత్రికల్లో 90 పైగా కథలు, 4 నవలికలు, కవితలు, వ్యాసాలు, నాటికలు ప్రచురణ - ప్రసారం అయ్యాయి. 'జీవరాగం', 'మట్టి బంగారం', 'అతడు-నేను' కథా సంపుటాలు; 'ఆమె' కవితా సంపుటి వచ్చాయి. చాలా కథలు, కవితలు, వివిధ సంకలనాలలో చోటు చేసుకున్నాయి.

వీరి కథలకు ప్రతిష్టాత్మకమైన చాసో స్ఫూర్తి పురస్కారం అందుకున్నారు. ఇంకా రంజని అవార్డు, అజో-విభో (అమెరికా) పురస్కారం, ఆటా, తానా బహుమతులు, రంగవల్లి అవార్డు, పొట్టి శ్రీరాములు తెలుగు యూనివర్సిటీ ధర్మనిధి పురస్కారం, పులికంటి సాహితీ సత్కృతి, ఆర్. ఎస్. కృష్ణమూర్తి అవార్డు మొదలైన అవార్డులు అందుకున్నారు.