కనులు చిట్లించి చూశాడు దావూద్. అతనెవరో గుర్తు పట్టిన మరుక్షణం కరెంట్ షాక్ కొట్టినట్లు జలదరించింది అతని శరీరం.

"మైగాడ్! నువ్వా ? ఎందుకొచ్చావ్ యిక్కడికి ? నీకేం కావాలి ??" ఆందోళనగా ఒక అడుగు వెనక్కి వేశాడు.

మెరుపు కంటే వేగంగా కదిలాడు షాడో. ఒక్క గంతులో అతన్ని సమీపించి, చొక్కా పట్టుకొని ముందుకు లాగాడు.

బాలెన్స్ తప్పి నేలమీద బోర్లా పడ్డాడు దావూద్. కుర్చీ కోడు ముఖానికి పొడుచుకొని, ఎర్రటి రక్తం సన్నగా బుగ్గలమీద జారటం ప్రారంభించింది.