అరుణతార కథలు సంకలనం 3

కథ అడ్డం తిరిగింది, మరికొన్ని కథలు 1982-83

విప్లవ కథా వస్తు వికాసానికి దాని దృక్పథమే కారణం. నిజానికి ఒక కథ విప్లవ కథ కావడానికి దాని దృక్పథమే గీటురాయి. మానవ సంబంధాల్లోని వైరుధ్యాలను అర్థం చేసుకోడానికి దృక్పథమే వెలుగు బావుటా. అట్లాగే శిల్పం వల్లే ఒక వస్తువు సాహిత్యమవుతుంది. వస్తు శిల్పాల సంబంధాన్ని దృక్పథం ప్రభావితం చేస్తుంది. ఈ సంపుటాల్లో మీరు చదవబోయే కథల్లో ఈ ప్రమాణాలు కనిపిస్తాయి. శ్రీకాకుళ పోరాటం నుంచి దండకారణ్య ప్రత్యామ్నాయ ప్రజా రాజ్యాధికారం దాకా విస్తరించిన విప్లవోద్యమాన్ని, వివిధ సామాజిక ఉద్యమాల చైతన్య క్రమాలను, సామ్రాజ్యవాద సంక్షోభాలను, వాటిపై సాగుతున్న పోరాట, భావజాల సంఘర్షణలను ఈ సంపుటాల్లోని అరుణతార కథల్లో చదువుకోవచ్చు. కార్యకర్తలు, పాఠకులు కథకులుగా మారే ప్రక్రియకు విరసం అధికార పత్రిక అరుణతార గత నాలుగు దశాబ్దాలుగా వేదికగా నిలిచిందనే సంగతి దృష్టిలో పెట్టుకుంటే ఈ కథల బలం ఇంకా బాగా తెలుస్తుంది. అరుణతార సంచికల్లో వచ్చిన కథలన్నిటినీ సంపుటాలుగా అచ్చేస్తున్న చరిత ప్రచురణలు వారికి విప్లవాభివందనాలు.

- విరసం

* * *

అరుణతార కథా సంకలనం 3 లోని కథలు:
1. రేపటి మనుష్యులు - పొనుగోటి వెంకటకృష్ణారెడ్డి
2. అనుభూతి లేదా ''నాకు బెయిల్‌ దొరక లేదు'' - సిహెచ్‌. మధు
3. దాడి - భారత్‌ బాబు
4. పరిష్కారం - పాపినేని శివశంకర్‌
5. చైతన్యం రెక్క విప్పింది - చెరబండరాజు
6. పడావు పన్ను - వుప్పల నరసింహం
7. ఓ మీసాలరాజు కథ - కృష్ణన్‌
8. పాలేరు - కాలువ మల్లయ్య
9. స్థూపం - శాంతిప్రియ
10. యంత్రం కాదు మాయా యంత్రాంగం - దేవరాజు మహారాజు
11. కథ అడ్డం తిరిగింది - వుప్పల నరసింహం
12. శవాన్ని పూర్తిగా తగలేయాలి - హెచ్చార్కె