స్వతంత్ర్య భారత దేశంలో
కానరాని సంకెళ్ళ నడుమ
నలుగుతున్న నరులున్నారు
నాలుగు దిక్కుల కేకలేయుచున్నారు
ఏది నా మతం,
ఏది నా కులమనీ...
ఈ లౌకిక రాజ్యంలో అడిగి అడిగి
కులం పేర మతం పేర
గౌరవ చిహ్నములు వ్యంగాలై పలుకుతున్నాయి
కథలో లేని మలుపులు తిప్పనున్నాయి...
ఈ వెన్నునంటిన డొక్కలకు తెలియదు
నిద్రలేని ఈ కనులకు తెలియదు
గూడు లేని ఏ పేద ఆకలికి తెలియదు
ఈ మతం చిచ్చు హరించేస్తుందనీ
పుట్టుక మనకో మతాన్నిస్తే...
ఆ మతం మనకు మాన్యలిచ్చిందా,
ఏమిచ్చిందనీ...