రాత్రి పదిగంటలు

హైదరాబాద్ మహానగర శివారు ప్రాంతం.

అక్కడో నిర్మాణం జరుగుతోంది. నాలుగు పక్కలా రేకులు పాతారు. రెండు సెల్లార్లు పూర్తయి, మొదటి ఫ్లోర్ శ్లాబ్ మాత్రం వేసి వుంది. ఆ చుట్టుపక్కల చిన్న చిన్న పొదలు, రాళ్ళ గుట్టలు వున్నాయి. కీచురాళ్ళ శబ్దం ఒక్కసారిగా ఆగిపోయింది. నల్లతాచు పాము జరజర పాక్కుంటూ వచ్చి అడుగు ఎత్తున నిలబడి ‘బుస’ కొట్టింది.

ఈ రోజు ఎందుకో మహాగ్రహంతో వుంది.

చీకటి నల్లతాచులా వుంది.

అటూ ఇటూ తల తిప్పి చూసి, మళ్ళీ ముందుకు కదిలింది.