పోతనామాత్యుడు - అతఁడొక పవిత్రుఁడు, కవితా నిర్మాణ దక్షుండు. తన తపస్సును - వచస్సును - చక్కని నియమకుల్యలతోఁ బండించికొని ''మానవుఁడు దివ్య గుణములు సంపాదించుకొన్న యిట్లుండు'' నని ప్రపంచమునకుఁ జూపి-తాను తరించి-దేశమును తరింపజేసినవాఁడు. ఆంధ్ర జాతి కాతఁడిచ్చిపోయిన భాగవతము-అమృతభాండము. ఆ కావ్యమునకు లక్షణమైన జీవితము-అమృతముకన్నను మధురమైనది. ఆ బ్రదుకర్థముగాక కన్నులుఁ దేలవైచు మనవంటివారిపై నా మహనీయుండు జూపిన పరమానుకంపయే భాగవతము.