అంతరంగం

అనంతమైన ఆలోచనలతో అంతరంగం హోరెత్తిపోతోంది.
జీవన ధుని వినిపిస్తోంది...
అంతులేని నిశ్శబ్దంగా రోదిస్తోంది...
ఉప్పొంగే నురగలై పొంగుతోంది...
ఎవరి కోసమో వేచి ఉన్న పాదాలు
అలల తడితో చల్లబడిపోతున్నాయి
ఉదయ కాంతి దిగంతాన కానరాదు...
వెలవెలపోతున్న చంద్రుడు పడమట వేలాడుతున్నాడు.
జీవితం మొదలవుతోందా - చివరకు చేరిందా
ఈ ఆలోచనలకు అంతెక్కడ.
అంతరంగం అనంతరంగాలతో హోరెత్తిపోతోంది.

- అశ్వినికుమార్