-
-
అధర్వణ యజ్ఞం
Adharvana Yagnam
Author: Suryadevara Rammohana Rao
Publisher: Madhu Priya Publications
Pages: 204Language: Telugu
‘‘మైగాడ్..... స్టాప్.... స్టాప్ హిమ్!’’ అనరుస్తూ రివాల్వర్ తీసింది అధర్వణ.
వెనన ముందు ఆలోచించకుండా తన గన్స్ ప్రయోగించారు సెక్యూరిటీ వాళ్ళు.
కాని ఆశ్చర్యం-
దూసుకెళ్ళిన బుల్లెట్లన్నీ అతడి కోటును తాకి గవ్వల్లా దాలిపోతున్నాయి గాని, అతడ్ని ఏమీ చేయలేకపోతున్నాయి. అతడు మాత్రం సుడిగాలిలా పరుగుపెడుతూ వచ్చిన వేగంలోనే టెర్రస్ గోడమీదకు దూకి, అక్కడి నుంచి గాల్లోకి ఎగిరాడు.
ఎక్కడివాళ్ళక్కడ బొమ్మల్లా నిలబడిపోయి ఆ దృశ్యాన్ని చూసారు.
అయిదు కాదు, పది కాదు, సుమారు యాభై అడుగుల దూరంలో ఉన్న కట్టడం టెర్రస్ మీదకు పక్షిలా ఎగురుకుంటూ వెళ్ళి వాలాడు అతడు.
అక్కడి టెర్రస్ నుంచి దిగువన మరో కట్టడం పైకి దూకాడు. అంతవరకే కన్పించాడతను. ఆ తర్వాత అతను చీకట్లలో ఎటు వెళ్ళిపోయిందీ కన్పించలేదు.
ఆ షాక్ నుంచి అంతా తేరుకునే లోపలే-
దూరంగా ఎక్కడో మోటార్ బైక్ స్టార్టయి వెళ్ళిపోతున్న శబ్దం విన్పించింది.
అది కలో, నిజమో కూడ ఎవరికీ అర్థంకాలేదు.
అంత కాంతివంతమైన మనిషిని ఎప్పుడూ చూళ్ళేదు సెక్యూరిటీ వాళ్ళు.
అతడ్ని బుల్లెట్లు కూడ ఏమీ చేయలేకపోవటం అధర్వణ కొత్తగా కనుగొన్న విషయం.
ఆ పరిస్థితి నుంచి ముందుగా తేరుకున్న సెక్యూరిటీ చీఫ్ అధర్వణ వంక భయంగా చూసాడు.
‘‘ఎవడు మేడమ్....? ఎవడు వాడు....? మనిషేనా?’’ అనడిగాడు.
‘‘నేనూ ఇప్పుడే చూస్తున్నాను. మనిషి కాకపోవచ్చు’’ అంది ఏమీ తెలినట్టుగా అధర్వణ.
this book is the same novel as sahasame ame oopiri. really cheating the people to sell the books.
not only this novel. few more novels of suryadevara are being sold with a different titles..
Not up to expectation