తడి ఆరని జ్ఞాపకం

కురవకుండానే వెళ్ళిపోయిన మేఘం
ప్రేమలేఖ సగంలో విరిగిపోయిన పాళీ
పరిష్వంగపు కలలో మెలకువ
వెన్నెల రాత్రిలో ఒంటరితనపు అలసట
అమ్మతెచ్చిన ఆరేసిన బట్టల్లో ఆట
జొన్న పొత్తులని కాల్చని నిప్పులపొయ్యి
ఊరొదిలి వెళ్ళిపోతున్న పక్కింటమ్మాయి
ఎవ్వరికీ కన్పడకుండా ఆమె ఊపిన చెయ్యి
అమ్మతో గుడికెళ్ళి శఠగోపం కోసం మారాం
వయసుడిగిన తాటిముంజల్లో వెతుకులాట
జ్ఞాపకాల సహచర్యం ఓ ఓదార్పు
గుండెకిందచేరిన తడిలా...... నాతోనే.