కసితో స్వార్థం శిరస్సు గండ్ర గొడ్డలితో
నరకగల్గిన వాడే నేటి హీరో
ప్రజల గుండెల కొండల్లో మాటుకాసి
ట్రిగ్గర్ నొక్కగలిగిన వాడే ద్రష్ట
ప్రజను సాయుధం చేస్తున్న
రివల్యూషనరీ నేడు కవి

- శివసాగర్

స్వేచ్ఛాకాంక్ష నుండి
సంకెళ్లు లేని మనోనేత్రం నుంచి
నేను మిమ్మల్ని చూస్తాను
మాట్లాడతాను
నా బలహీనమైన చేతులతో హత్తుకుంటాను

- జి.ఎన్. సాయిబాబా

ఈ సమయంలో
ఇలా ఉండచ్చు
క్షణం మారితే ఏమవుతుందో
ఉన్నట్టుండి
నీకు ఏమీకాని దేశంలో
రాజద్రోహివవుతావు

- సి. కాశీం

నేరమే అధికారమై
ప్రజల్ని నేరస్తుల్ని చేసి వేటాడుతుంటే
ఊరక కూర్చున్న
నోరున్న ప్రతివాడు నేరస్తుడే

- వరవరరావు