"కథలన్నీ బరువుగానే వుండి, కన్నీరే తెప్పించవు. కొన్ని కథలు తేలిగ్గా హాయిగా కూడా వుంటాయని చెప్తున్నాయి" నవ్వు కథలు!

ఈ సంకలనంలో ఉన్నవన్నీ "నవ్వు కథలే"! "కథలు చదవాలనే కోరికున్నా తీరిక దొరకడం లేదండి" అంటూ కంప్లయింట్ చేసే పాఠకులు కూడా, కాలక్షేపం బటాణీల్లా ఆనందించ గలిగే కథలు యివి! చదవడానికి ఎక్కువ సమయం పట్టదు. అన్నీ హాస్య ప్రధానంగా రాసిన కథలే కాబట్టి చదివే పాఠకుడి హృదయాన్ని గిలిగింతలు పెడతాయేమో గానీ, ఏ మాత్రం బాధ పెట్టవు.

ఇందులోని కథలన్నీ"ఆంధ్రభూమి", "స్వాతి వారపత్రిక", "స్మైల్ ప్లీజ్ మాసపత్రిక"ల ద్వారా పాఠకులని పలకరించినవే! ఇవాళ మనిషికి తిండి, బట్ట, ఇల్లుతో పాటు నవ్వడం కూడా ఓ అవసరంగా మారిపోయింది కాబట్టి... మినీ హాస్య కథల ద్వారా చదువరులకు వినోదాన్ని అందించిన శ్రీ గంగాధర్ అభినందనీయుడు.

- కాశీ విశ్వనాథ్, సుప్రసిద్ధ సినీ కథా రచయిత