వల్లంపాటి వెంకటసుబ్బయ్య కథారచయితగా మొదలై నవలాకారుడిగా మారి, విమర్శకుడిగా తెలుగు సాహిత్యంలో స్థిరపడిన పరిణామ క్రమానికి ఆయన కథలూ, నవలలూ అద్దం పడతాయి. సంప్రదాయం నుంచి మార్క్సిస్టు ఆలోచనా ధోరణికి ఆయన మరలిన వైనాన్ని ఇవి వెల్లడిస్తాయి. వల్లంపాటి వెంకటసుబ్బయ్య విమర్శకుడిగానే ఎక్కువ మందికి తెలుసు. 'కథాశిల్పం', 'నవలాశిల్పం', 'విమర్శాశిల్పం'... ఈ మూడు పుస్తకాలూ తెలుగు విమర్శా సాహిత్యంలో ప్రామాణిక రచనలు. విమర్శా రంగంలోకి అడుగుపెట్టక ముందే ఆయన కథలు రాశారు. నవలలు రాశారు. రాస్తూనే విస్తృతంగా చదువుకున్నారు. ఇంద్ర ధనుస్సు, దూర తీరాలు, మమతలు - మంచుతెరలు, జానకి పెళ్ళి ఆయన నవలలు. ప్రపంచ చరిత్ర, చరిత్ర అంటే ఏవిటి?, చరిత్రలో ఏమి జరిగింది?, ప్రాచీన భారతదేశం ప్రగతి, సంప్రదాయ వాదం, భారతదేశం చరిత్ర - (ఆర్.ఎస్.శర్మ 2002), బతుకంతా (కన్నడ నవల), లజ్జ వీరి ముఖ్యమైన అనువాదాలు. బండి కదిలింది, రానున్న శిశిరం, బంధాలు ఈయన సుప్రసిద్ధ కథలు