Comment(s) ...

కళ్ళలో నీళ్లు తెప్పించే పుస్తకం.జీవితాన్ని జయించిన ఒక వ్యక్తి రాసుకున్న అంతరంగకథనం..పదిమందికి జీవితంలో గెలుపును సాధించడం ఎలానో చెప్పే వ్యక్తిత్వవికాసం.ప్రతీ అక్షరంలో తొణికిసలాడే ఆత్మవిశ్వసం.ప్రతీఒక్కరూ చదవాల్సిన పుస్తకం.
మా తండ్రి మాకు ఇచ్చిన ఆస్తి వ్యక్తిత్వం.. కష్టపడే తత్త్వం.. ఆత్మాభిమానం
మా తండ్రి సంపాదించినా ఆస్థి "మంచిపేరు"
వెంకటయ్య పంతులు అంటే చేతులెత్తి నమస్కరించే సంస్కారం వున్న జనంలో మంచి గుర్తింపు
డాక్టర్ వెంకటయ్య అంటే "మాకు ప్రాణదానం చేసిన మంచి మనిషి, మా ఇంట్లో దీపం పెట్టిన దేవుడు" అనేంత మంచిపేరు.
మా నాన్నగారి మరణం తరువాత ఆ పేరుతో పాటు పేదరికమే మిగిలింది.
మానవ సంబంధాల కన్నా "మనీ" బంధాలే ఎక్కువని అర్థం అయ్యేసరికి మేము నడివీధిలో నిలబడివున్నాం.
కష్టాలను అధిగమించిన ధీరత్వానికి నిలువెత్తు సాక్ష్యం ఈ పుస్తకం

ఒక పుస్తకం మనల్ని పూర్తిగా మార్చలేకపోవచ్చు.కానీ మనల్ని ఆలోచించేలా చేస్తుంది.
అసంతృప్తిని జయించండి నన్ను ఆలోచించేలా చేసింది.అసంతృత్తి లో నిరర్థకమైనవి /నిర్మాణాత్మాకమైనవి ఏమిటో చెప్పిన తీరు బావుంది.

హాస్యం,మానవ సంబంధాలు , ఫిక్షన్,థ్రిల్లర్ కథలో వైవిధ్యం ,శైలిలో నిత్యనూతనము.
ప్రతీకథ మనసుపొరల్లో నిలిచిపోతుంది.మన జ్ఞాపకాల్లో జీవిస్తుంది.
*మీకు ఇల్లు కావాలా?ఆ పక్షులకు గూడు కావాలా?తేల్చుకోమని చెప్పిన కొడుకు మాటలకు ఆ తల్లిదండ్రులు చెప్పిన సమాధానం ఏమిటి?ఆ తల్లిదండ్రుల త్యాగాన్ని చూసిన ఆ పక్షులు ఏం చేసాయి?
*యాభై సంవత్సరాలకు పైబడిన వాళ్ళు "బామ్మా లాలిపాట డాట్ కామ్ "కు కావలెను...పత్రికలో వచ్చిన ఆ ప్రకటన వెనుక వున్న ఆంతర్యం ఏమిటి ?ఇలాంటి డాట్ కామ్ లు ఉంటే...? వాంటెడ్ బామ్మ లాలిపాట డాట్ కామ్
*నగరంలో సంచలనం..మనుష్యుల నుంచి భరించలేను దుర్గంధం....అదీ కొందరిలోనే..ఎవరా కొందరు?ఎందుకా దుర్గంధం?
*మరణం సరిహద్దుల్లో వున్న మాధవరావు రాసిన వీలునామా..ఏమిటి?
కథల్లో పాత్రలు మన పక్కనే ఉన్నట్టు.గొప్పకథలు ,చదివించే కథలు,జీవితసత్యాలను ఆవిష్కరించే కథలు

నాయకత్వ లక్షణాలు కోరుకునే తెలుసుకోవాలని అనుకునే ప్రతీ ఒక్కరూ చదువవలిసిన పుస్తకం .
జనం మెచ్చిన నాయకుడు
జనం జేజేలు అందుకున్న అధినాయకుడు
జయహో కేసీఆర్

ఎంత బాగా రాసారో,ఎర్విక్ పాత్ర తర్జని పాత్ర మనసును హత్తుకుంటుంది.సస్పెన్స్ క్రైమ్ హార్ట్ టచింగ్ అన్నీ కలిసిన సింప్లీ సూపర్బ్ నవల డెత్ సెంటెన్స్.
నార్త్ అవెన్యూ తరువాత నాకు బాగా నచ్చిన మీ మరో నవల.ఇది.

పెద్ద హీరోల సినిమాకు కథలు లేవు అనే దర్శక నిర్మాతలు హీరోలు ఒక్కసారి నవలా ప్రపంచంలోకి తొంగిచూడాలి.కొత్తదనంతో నావెల్టీ అన్న పదానికి అర్థం చెప్పే కథలు అన్వేషిస్తే దొరుకుతాయి,.
ఏసీల్లో నాలుగుగోడల మధ్య ఇతర భాష చిత్రాల సీడీలు చూస్తే ఆత్మల్లేని దేహాలు , మృతదేహాలే దొరుకుతాయి.కానీ...
ఈ నవల చదివితే కొత్తదనం కొట్టొచ్చినట్టు కనిపిస్తుంది.
క్యూ , మేన్ రోబో లాంటి నవలలు " ఫస్ట్ అఫ్ ఇట్స్ కైండ్ " లా ఉంటాయి.కుబేరాయనమః చదివితే ఇలాంటి సినిమాలు మన కొత్త హీరోలు ఎందుకు ట్రై చేయరు ? అనిపిస్తుంది.

"ఇది అమ్మాయిల కోణంలో...బాధిత మహిళల కోణంలో రాసిన నవల
హారిక జీవితాన్ని విషాదాంతం చేయడం ఇష్టం లేదు. అప్పటి ఆంధ్రభూమి మంత్లీ ఎడిటర్ సికరాజు (శ్రీ కనకాంబరరాజు) గారి సూచన మేరకు అలా రాసాను..ఒక విధంగా కథను విషాదాంతం చేయడం వల్ల సెక్షన్ 494...తీవ్రత పాఠకులకు సరిగ్గా రీచ్ అయ్యింది. హారిక పాత్రతో కనెక్ట్ అయ్యారు...అప్పటి ట్రెండ్‌కు ఆ విషాదాంతం సరైనదే...కానీ ఇప్పుడైతే మళ్ళీ రివైజ్డ్ ఎడిషన్ లో మార్చాలని అనిపించినా ఆ ఫ్లేవర్..ఆ ఫీల్ ని మార్చడం ఇష్టం లేక యథాతథంగా అందిస్తున్నాను.
ఇప్పుడైతే ఓ థ్రిల్లర్ గా ప్లాన్ చేసేవాడిని.మరో విధంగా....ప్లాన్ చేసేవాడిని"
రచయిత మాటల్లోని నిజాయితీ,ఇందులోని కథలు మనస్సుతో చదివిస్తాయి.మస్తిష్కంతో ఆలోచించేలా చేస్తాయి.

కొన్ని కథలు ఎన్నో భావాలను ఆవిష్కరించింది.మరికొన్ని కవితలు మా మనసులను స్పృశించాయి.హాస్యం మానవతా నేపథ్యం కవిత్వం ఇలా ఎన్నో ఫీలింగ్స్ ను అక్షరాల్లో కూర్చి ఒక పుస్తక పుష్పగుచ్ఛంగా అందించినందుకు ధన్యవాదాలు .

ఆపిల్ సృష్టి రహస్యాన్ని అక్షరాలతో ఆవిష్కరించింది .రసరమ్యంగా దంపతుల శృంగారజీవితానికి అర్థాన్ని విడమర్చి అశ్లీలతకు తావులేకుండా చెప్పిన సరసమైన కథలు .
ఇ రొమాన్స్ కనువిప్పు కలిగిస్తూ, అద్భుతమైన విషయాన్నీ రోమాంచితంగా చెప్పిన కథ.
ఇలాంటి ఎన్నో బోల్డు కథలు బోల్డ్ గా చెప్పిన కథలు.

గ్రేట్..ఇలా మీరు మాత్రమే రాయగలరేమో....ప్రతీకథలో ప్రాణం పోసుకున్న ఎమోషన్స్ కనిపిస్తున్నాయి....
" చీకటి ముసుగేసాక ధాత్రిని రాత్రి చుట్టుముట్టాక మీ ప్రపంచంలో మీరూ ,మీ జీవితభాగస్వామి....పడగ్గది .మీ వ్యక్తిగత సామ్రాజ్యం.
ఆ సామ్రాజ్యంలో రాజు రాణి సైన్యమూ సర్వమూ సమస్తమూ మీరే.
ఫీలింగ్స్ ఎమోషన్స్ అనుభవాలు అనుభూతులు కలబోసిన కలర్ ఫుల్ రెయిన్ బో ...
ఆ ఇంధ్రధనుసులో ...
ప్రేమ ఇష్టం కోరిక స్పర్శ మాట అనుభవం అనుభూతి ..సప్తవర్ణాల ఇంధ్రధనుసులో చేరిన మరో వర్ణం రొమాంటిక్ ఫ్లేవర్ మీకు శుభరాత్రి చెబుతుంది.
పడగ్గది కేవలం మీరు నిద్రించే స్థలం మాత్రమే కాదు.
ఈ సృష్టిలో...
ప్రకృతి,
స్త్రీ,
పెదవులపై స్వచ్ఛంగా మెరిసే నిష్కల్మషమైన చురునవ్వు.
ఈ మూడింటినీ నిరంతరం ప్రేమిస్తాను.ప్రేమిస్తూనే వుంటాను.
అయితే ప్రకృతి ప్రళయాన్ని సృష్టించి బీభత్సంగా మారినా.
స్త్రీ తన వ్యక్తిత్వాన్ని కోల్పోయినా
చిరునవ్వులో కల్మషం కనిపించినా ..
అందమైన కల కరిగిపోతుంది.
ప్రకృతిని,అందంగా స్వచ్ఛమైన చిరునవ్వును తన పెదవులపై నిలుపుకునే పరిపూర్ణ వ్యక్తిత్వం వున్న స్త్రీని మించిన గొప్ప సౌందర్యం బ్రహ్మదేవుడు కూడా సృష్టించలేదన్నది నా స్ట్రాంగ్ ఫీలింగ్.
అలాంటి స్త్రీ ...నా కథలకు స్ఫూర్తి.
నా కథల్లోని నాయికలు దివినుంచి అక్షరపు కాన్వాసుపై నిలిచిన అందమైన చిత్రాలు.
గుడ్ నైట్ స్టోరీస్ దంపతుల పడగ్గదిలో రొమాంటిక్ ఫ్లేవర్ ల,సన్నజాజి పరిమాళాల్లా,నిలిచిపోవాలి.
ఈ కథల్లోని కథానాయికలు మీరే..
ఈ కథల్లోని కథానాయకులూ మీరే..."

శుభరాత్రి చదువుతుంటే లైఫ్ పార్టనర్ కు ఇంత అద్భుతమైన గుడ్ నైట్ చెప్పొచ్చా అనిపిస్తుంది
ఓన్లీ ఫర్ యువర్ సేక్ ...కథ చదివితే ఇంత గొప్పగా ప్రేమించే భార్యకు ఇంత గొప్పని పెళ్లిరోజు కానుక ఇచ్చే భర్త ఉంటాడా అనిపిస్తుంది

జానపద నవలలు కనుమరుగయ్యాయని అనుకుంటున్న సమయంలో కినిగెలో జానపద నవలలు రావడం బావుంది.
" మాయాశిల్పం...మంత్రఖడ్గం " నవల చదువుతుంటే నాకళ్ళ ముందు రాజులు రాజ్యాలు అడవులు జలపాతాలు గంధర్వలోకం కనిపించాయి.చదివినంతసేపు కొత్త ప్రపంచంలో విహరించాం.
విజయార్కె గారూ మీ నుంచి మరిన్ని జానపద నవలలు రావాలని మనఃస్ఫూర్తిగా కోరుకుంటున్నాం.
" పైసావసూల్. అండర్ వరల్డ్, మేన్ రోబో , క్యూ , సెక్షన్ 494 , టార్గెట్ 789 ... మిమ్మల్ని మీరు అర్థం చేసుకోండి, మరణశాసనం,జైలుగోడల మధ్య హీరో సుమన్ , ది లీడర్ , " ఇలా వేటికవే వైవిధ్యం .. మీ రచనాశైలికి నిలువెత్తు సంతకం.

కాలక్షేపం కోసం ఎన్నో పుస్తకాలు చదువుతాం." అసంతృప్తిని జయించండి " పుస్తకంలో జీవితం కనిపించింది.
అసంతృప్తులలో కూడా నిరర్థకమైన నిర్మాణాత్మక అసంతృప్తులు వుంటాయని ఈ పుస్తకజం చదివాక అర్థమైంది.సినిమా టికెట్ దొరక్కపోతే కలిగే అసంతృత్తికి ,సివిల్స్ లో ఓటమి ఎదురైతే కలిగే అసంతృత్తికి తేడా తెలిసింది.
నిర్మాణాత్మకమైన అసంతృప్తిని గుర్తించేలా చేసిన ఈ పుస్తకాన్ని ,రచయితకు కృతఙ్ఞతలు.
అసంతృత్తిని జయించాలని ( నిర్మాణాత్మక అసంతృప్తిని ) ఈ పుస్తకం ఎంతో ఉపయోగపడుతుందని నా నమ్మకం.

ఇంట్రెస్టింగ్
కారు సరాసరి కుబేరుడి లోకంలో ల్యాండ్ అయ్యింది సేఫ్ గా.
హాస్యం
కుబేరుడు చిద్విలాసంగా చూసి "వాట్ అబౌట్ మై వడ్డీ అండ్ అసలు" అని నిలదీసాడు.
సెటైర్
* *వెంటనె కృత్తిక "మీ టూ" అంది తనను కూడా ఆశీర్వదించమన్నట్టు కిందికి వంగి
"మీ టూ"అంటే కుబేరుడు అపార్థం చేసుకుని భయపడిపోతారు అన్నాడు లోగొంతుకతో కృత్తికతో
వావ్
* "మీలోకం కరెన్సీ కాదు..మా ఇండియా కరెన్సీ ...అదీ రద్దైన నోట్లు కాదు.. మోదీ గవర్నమెంట్ కొత్తగా అచ్చుగుద్దిన నోట్లు" చెప్పాడు వైభవ్
హహహ
* "ఇలా అడుగుతున్నందుకు క్షమించాలి. మీకు బిపి షుగర్ గట్రా ఉన్నాయా? అడిగాడు వైభవ్
" అనగా ..?” అడిగాడు కుబేరుడు
"మా లోకమునందు వుండు మాయరోగములు...జన్యుపరంగా, స్ట్రెస్ పరంగా వచ్చును" అన్నాడు వైభవ్
"మాకు శాపములు తప్ప రోగములు వుండవు.." చెప్పాడు కుబేరుడు
చదువుతున్నంతసేపూ నవ్వుకున్నాను ..ఆ తర్వాత నిజమే కదా అనుకున్నాను..ఇలా జరిగితే ఎంత బావుండు కదా..అని శ్రీనివాసుడ్ని కోరుకున్నాను...
జయహో కుబేరాయనమః
పైసా వసూల్ జిందాబాద్

క్యూ నవల చదవడం గొప్ప అనుభూతి.ఏలియన్ తో ప్రేమ,ఎమోషన్స్ ఆసక్తి కలిగించే సన్నివేశాలు....అన్నింటినీ సమపాళ్లలో అందించిన ఎంటర్టైనెర్...మనల్ని కొత్త ప్రపంచంలోకి తీసుకువెళ్లే టైం మిషన్ .

ఎప్పుడెప్పుడు " ఎప్పుడెప్పుడు చదవాలా...? " అన్నంత బావుంది. మీ నార్త్ అవెన్యూ కూడా చదివా...రెండు నవలలు ఒకదానికి ఒకటి పోలిక లేకుండా విభిన్నంగా వున్నాయి.

రంగస్థలం మీద నటించే హీరో జీవితంలో నటిస్తే...అమ్మాయిలు అబ్బాయిలు అమ్మలు బామ్మలు నాన్నలు అందరూ చదవవలిసిన నవల.చాలా ఆలస్యంగా చదివాను.అద్భుతమైన నవల...కొన్ని పాత్రలు మనల్ని వెన్నాడుతూనే ఉంటాయి.నా మనసును హత్తుకున్న నవల

నవల చదువుతూ కళ్ళలో నీళ్లు ఆపుకోలేకపోయాను.ఈ నవల నేను కన్నడంలో చదివాను...నాకు కన్నడం కొద్దిగా వచ్చు..తెలుగులో నాకు తెలిసి స్వాతి మంత్లీ లో వచ్చింది. తలిదండ్రులను చిన్నప్పుడు గుండెల మీద ఆడుంచుకున్నప్పుడు బిడ్డలు కళ్ళతో తంతారు..అదే పెద్దయ్యాక కూడా అదేపని చేస్తే..తల్లిదండ్రులు ఏం చేయాలో అద్భుతంగా చెప్పిన నవల...
ముఖ్యంగా నవలలో డిస్క్రిప్షన్ లో వున్నా కొన్ని వాక్యాలు మనల్ని వెన్నాడుతాయి.
''దేవుడు విషాదాన్ని సృష్టించి, కంటి తుడుపుగా 'ఓదార్పు' ను సృష్టించాడు.
* కాఫీ వల్ల గుండెపోటు వచ్చే అవకాశం ఎక్కువగా ఉన్నాయిట ...కాఫీ తగ్గించకూడదా?''
''గుండెపోటు కాఫీ తాగడం వల్ల రాదు. కొడుకు ప్రేమగా చూసుకోకపోతే వస్తుంది. కోడలు బిడ్డలా ఆలోచించలేకపోతే వస్తుంది''
*ఇద్దరు కసాయివాళ్ళు ఈ మేక నాకు కావాలంటే నాక్కావాలని గొడవ పడుతుంటే ఆ మేకపిల్ల ఎలా విలవిల్లాడిపోతుందో, ఆ తల్లి కూడా అలానే విలవిలలాడిపోయింది.
*ఓ దేవుడా నీకు శత సహస్ర కోటి కృతజ్ఞతలు. కృతఘ్నులైన కొడుకులనిచ్చి, కొండంత దేవుడైన భర్తను తీసుకెళ్లి, నా బాధను చూడలేక, నాకు అండగా ఓ తండ్రిని ఇచ్చినందుకు శిరస్సు వంచి నమస్కరిస్తున్నాను ప్రభూ.
*మళ్ళీ జన్మంటూ వుంటే గొడ్రాలుగా పుట్టించు దేవుడా! అని దేవుడ్ని మనస్ఫూర్తిగా వేడుకుంది.
*అక్కడున్న సమాధులను కదిలిస్తే ఎన్ని కథలు వెతలుగా చెబుతాయో, అక్కడ తగలబడుతున్న చితులను అడిగితే ఎన్ని కన్నీళ్ళను అక్షరాలుగా అనువదిస్తాయో...?
**అదో స్మశానం ..దాన్ని అనుకుని శరణాలయం..స్మశానమే వారికి దేవాలయం...
చితికి నిప్పంటించి చేతులు దులుపుకుని అయినవాళ్లు వెళ్ళిపోతే,ఏమీకాని అతను ఆ చితిలో దేహం బూడిదగా మారేవరకు అక్కడే ఉంటాడు బసవప్ప...
మనసును తాకే మంచి నవల నిర్ణయం.

మనకు ఎందరో దేవుళ్లున్నారు..మరి నవ్వు దేవుడు కూడా ఉంటే..ఈ ఆలోచన నవ్వు తెప్పిస్తుంది..అందుకే కాబోలు స్వాతిలో 10 ,000 / పదివేల రూపాయల బహుమతి గెలుచుకుంది. విజయార్కె గారి కథలు ముఖ్యంగా కామెడీ కథలు విభిన్నంగా ఉంటాయి.నవ్వు కనబడుటలేదు కథలో నవ్వు కనబడుట లేదని పోలీస్ స్టేషన్ లో కంప్లైంట్ ఇస్తారు..భార్య బదులు యంత్రమైతే చెప్పినట్టు ఉంటుందని జపాన్ నుంచి తెప్పించుకున్న యంత్రసుందరి కథ..ఇళ్న్తి కథలు దూరప్రాంతంలో పని ఒత్తిడిలో వుంది నవ్వడం మర్చిపోయిన మాలాంటివారికి నవ్వును ఎనర్జీగా ఇస్తుంది.అరవై రూపాయలతో వందేళ్ల జీవితంలో నవ్వులు కురిపించే పుస్తకం " నవ్వు దేవుడొచ్చాడోచ్ "

అచ్చతెనుగు వాతావరణంలో అద్భుతమైన ప్రేమకథ.బావమరదళ్ళ ప్రేమకు అర్థం చెప్పినకథ...విజేతకు నిర్వచనం చెప్పిన నవల.." విజేత " " గెలిచేవాడు కాదు గెలిపించేవాడు.".అన్న మాటల్లో ఎంతో అర్థం వుంది.సినెమనటుల జీవితాల్లోని మరోకోణాన్ని చూపించింది.వ్యక్తిత్వవికాసాన్ని నవలలో ఆవిష్కరించిన తీరు ప్రశంసనీయం.వెరసి విజేత నవల భావోద్వేగాలకు పెద్దపీట వేసింది.ఇరవైఏళ్ళ క్రితం చదివినా ఇప్పుడు మళ్ళీ మరోసారి చదివించిన నవల,,,కళ్ళముందు పాత్రలు వున్న ఫీలింగ్..ఇలాంటి నవలలను అందిస్తున్న కినిగెకు,విజయార్కె గారికి అభినందనలు..కృతఙ్ఞతలు.

జైలుగోడల మధ్య హీరో సుమన్ సీరియల్ ఆంధ్రభూమిలో వస్తున్నప్పుడు ఒక సంచలనం.ప్రతీవారం ఎదురుచూసేదానిని...అప్పుడు క్యూరియాసిటీ తో చదివేదానిని.ఆ సీరియల్ గురించి చర్చించుకునేవాళ్ళం.సుమన్ తో గెస్ట్ గా ఒకరోజు షూటింగ్ లో గడిపే అవకాశం కోసం ( ఆరోజు షూటింగ్ మొత్తం చూసి సుమన్ గారితో కలిసి లంచ్ చేయడం ఆంధ్రభూమి పాఠకులకు మరుపురానిరోజు..అప్పట్లో అది ఒక కొత్త ప్రయోగం...) జైలులో సుమన్ గడిపిన రోజులను సంఘటనలను తలుచుకుని కంటతడి పెట్టుకునేవాళ్ళం..ఆ పుస్తకం అప్పట్లో మాకు దొరకలేదు.ఇన్నాళ్ల తరువాత e బుక్ రూపంలో మాకు దొరికింది.ఒక వ్యక్తిత్వవికాస పుస్తకంలో వున్న ఎన్నో విషయాలు సుమన్ గారి జైలు అనుభవాల ద్వారా తెలుసుకోవచ్చు.థాంక్యూ విజయార్కె గారు...థాంక్యూ సుమన్ గారూ థాంక్యూ కినిగె ..
విజయార్కె గారు తెలుగు పత్రికల్లో మీ రచనలకు అభిమానిని..మీ గుడ్ ఫాదర్ మరణశాసనం...మేన్ రోబో, క్యూ .నాకు చాలా ఇష్టమైన నవలలు...షర్మిల ప్రహేళిక ఆముక్తమాల్యద ,సాకేత్,అగ్నిహోత్ర,సిద్దార్థ పాత్రలు అంటే మరీ ఇష్టం .
కన్నడంలో అనువదించబడిన మీ పుస్తకాలకు కూడా ఫ్యాన్ ని...ఎందుకంటే నాకు కొద్దిగా కన్నడం చదవడం వచ్చు..నా ఫ్రెండ్ చదివి మరీ వినిపించేది.

థాంక్యూ కినిగె ..రెండు మంచి నవలలను ( మేన్ రోబో, అండర్ వరల్డ్ ) ఒకేరోజు చదివే అవకాశం వచ్చింది.డిటెక్టివ్ నవలలు థ్రిల్లర్ నవళ్లు రాసేవాళ్ళు చదివేవాళ్ళు తక్కువయ్యారు అన్నది నిజం కాదు..ఎందుకంటే ముఖ్యంగా " బాగా రాస్తే " చదివే నాలాంటి వాళ్ళు చాలా మనది వుంటారు.నేను కాలేజీ చదివేరోజుల్లో చదివిన గాడ్ ఫాదర్ నవల ఇప్పుడు " అండర్ వరల్డ్ " పేరుతో చదవడం థ్రిల్లింగ్ గా ఉంది.
మాఫియాను తరిమేసేందుకు అండర్ వరల్డ్ గాడ్ ఫాదర్ ను యాంటీ మాఫియా స్క్వాడ్ కు చీఫ్ గా నియమించడం థ్రిల్లింగ్ పాయింట్.." యే బహుత్ అన్యాయ్ " విభ్రమ క్షణం క్షణంలో శ్రీదేవి చెప్పిన డైలాగ్ ను చెప్పడం చాలా బీవండి.ముఖ్యంగా ఒక సంఘటన ..గ్రమ్ జరుగుతున్నప్పుడు టీవీ మీడియా చేసే హడావుడిని కొత్తకోణంలో చూపించి గోళీసోడా సీసాలతో ఎదురుదాడి చేసే ఆలోచన విభ్రమకు రావడం సూపర్బ్.అమితాబ్ లాంటి వాళ్ళతో వర్మ ఇలాంటి సినిమా చేయాలి.

Don't miss!
Free goodies!
Just purchased ...
Authors ...
Publishers ...
Manchi pustakam books
Comment(s) ...

Please provide full book to download
Now only 15 pages downloaded

వేణుమాధవ్ గారు..మీ పుస్తకం ఒక జీవితం..ఒక చరిత్ర..మీరు సాధించిన విజయం అద్భుతం.ఏమీలేని స్థాయినుంచి ఎందరికో స్ఫూర్తిని ఇచ్చే స్థాయికి చేరిన మీ సక్సెస్ స్టోరీ,ఈ పుస్తకానికి అందమైన ముఖచిత్రం.ప్రతీఒక్కరూ ఈ పుస్తకాన్ని చదవాలి.జీవితాన్ని జయించాలి.ఇంతమంచి పుస్తకాన్ని అందించినందుకు థాంక్యూ సర్.

జానపద నవలల్లో సరికొత్త ఒరవడి.మళ్ళీ రాజులకాలంలోకి తీసుకువెళ్లిన " మాయాశిల్పం మంత్రఖడ్గం "
*”మా గంధర్వ యువరాణీవారు ఉద్యానవనంలో వుంది. .వెనక్కి వెళ్ళండి" అని భటులు చెప్పగానే మేఘాలు పక్కకు తప్పుకున్నాయి. చంద్రుడూ తప్పుకున్నాడు కొలనునీటిలో తన ప్రతిబింబం కనిపించకుండా..
సమ్మోహనం అద్భుతం ..ఒక్కోసన్నివేశం చదువరుల్లో అలా నిలిచిపోతుంది.

వేణుమాధవ్ గారికి ,
జీవితాన్ని జయించండి పుస్తకం చదివాకా మా కళ్ళలో నీళ్లు తిరిగాయి.ఒకవ్యక్తి పాతాళాన్ని చీల్చుకుని సక్సెస్ శిఖరాన్ని ఎలా చేరుకోవాలి చెప్పడానికి మీరే ఒక ఉదాహరణ.ఈ పుస్తకం చదివాకా ఆకాంక్ష క్యాటరింగ్ గొప్పతనం గురించి తెలుసుకున్నాను.డబ్బులు అందరూ సంపాదిస్తారు.పదిమందికి ఉపయోగపడే కార్యక్రమాలు చేస్తూ అందర్నీ మోటివేట్ చేయడం మీలాంటి వారే చేయగలరు.గ్రేట్ సర్.
మీ

అద్భుతం ...మన ఆలోచనలను ప్రశ్నించే పుస్తకం
గెలుపు అంటే అర్థం ఏమిటి? ఓటమికి నిర్వచనం ఏమిటి?
యుద్ధంలో ఒక దేశం గెలవడం గెలుపే.. కానీ ఒక దేశాన్ని ఆక్రమించుకుంటే ఆ గెలుపు నిజమైన గెలుపా?
ఒక కిరాయిహంతకుడు సుపారీ తీసుకుని హత్యచేస్తే అది గెలుపా?
గెలుపు అంటే మనకు ఆనందాన్ని లేదా డబ్బును ఇచ్చేది కాదు.. ఎదుటివారిలో కూడా ఆనందాన్ని కలిగించేదే గెలుపు
రామోజీరావుగారి పేరు తెలియని తెలుగు

Subscribe
Browse