ఒక ఉత్తరాది సభలో (దాంట్లో పి.వి.గారు కూడా ఉన్నారట) సత్యనారాయణ గారిని ‌సత్యనారాయణ జీ, ‌సత్యనారాయణ జీ అంటూ పొగుడుతూ సన్మానించారట. విశ్వనాథ వారు లేచి మీరు ప్రతి మూడో పదం ‌సత్యనారాయణ, సత్యనారాయణ అని అన్నారు. మా యింటివాళ్లు ఈ రోజు ఇచట ఉంటే మీరందరూ కలసి సామూహికంగా ‌సత్యనారాయణ వ్రతం చేస్తున్నారనుకునేవారు అని అన్నారట.

* * *

మాట్లాడే భాషను బట్టి మాట్లాడే వాళ్ల నాగరికత నిర్ణయమెలా అవుతుంది. నాగరికమైన భాష మాట్లాడుతూ కూడా హృదయంలో మనసులో మసుషులు రాక్షసులు కావచ్చు.

* * *

మరొకసారి తుమ్మపూడి వారితో విశ్వనాథ వారు ఏమిటోయ్ మీ విశ్వవిద్యాలయాలలో ఇదొక తమాషా. మీరంతా ఏదో పడికట్టురాళ్లు వేస్తారే. శాస్త్రీయ పరిభాషలో కవిత్వమంటే ఏముందోయ్! నా బొంద. ఒక సూక్ష్మమైన అనుభవాన్ని ఎక్స్‌ప్రెస్ చేయడం తప్ప అని అన్నారట.