• Vijeta Manrobo Publications
  • Ebook Hide Help
    ₹ 72
    144
    50% discount
    • fb
    • Share on Google+
    • Pin it!
  • విజేత - మేన్‌రోబో పబ్లికేషన్స్

    Vijeta Manrobo Publications

    Author:

    Pages: 164
    Language: Telugu
    Rating
    4.93 Star Rating: Recommended
    4.93 Star Rating: Recommended
    4.93 Star Rating: Recommended
    4.93 Star Rating: Recommended
    4.93 Star Rating: Recommended
    '4.93/5' From 14 votes.
    5 Star Rating: Recommended
    5 Star Rating: Recommended
    5 Star Rating: Recommended
    5 Star Rating: Recommended
    5 Star Rating: Recommended
    '5/5' From 13 premium votes.
Description

విజయార్కె స్పీకింగ్
1997 నాటిమాట ఇది. ఈనాడు కార్యాలయంలో బహుశా మూడవ అంతస్థు అనుకుంటాను. చతుర ఆఫీస్.. సంపాదకులు చలసాని ప్రసాదరావు గారు. చాలా మంచిమనిషి. గొప్ప సాహితీవేత్త, సుప్రసిద్ధరచయిత...పాఠకులకు కావలిసిన ఉత్తమ సాహిత్యాన్ని చతుర విపుల పత్రికల ద్వారా అందిస్తోన్న వ్యక్తి.
సున్నితమైన భావోద్వేగాలతో, హాస్యం, మానవసంబంధాలతో అలతి అలతి పదాలతో... సాహితీ, మానవతా విలువలతో హృద్యమైన అక్షరాల కాలుష్యంలేని రచనలు అందించే గొప్ప సంపాదకులు.
మొదటిసారి నేను పల్లెటూరి నేపథ్యంలో అందమైన బావమరదళ్ళ ప్రేమకథను కొత్తకోణంలో రాసిన నవల. ఒకవిధంగా ఇప్పటి వ్యక్తిత్వవికాస రచనల్లోని అంశాలను నవలద్వారా చెప్పే ప్రయత్నమే విజేత నవల, గెలిచినవాడు కాదు గెలిపించినవాడే విజేత అని చెప్పిన నేపథ్యం. ఒక విధంగా అక్షరాల సర్జికల్ స్ట్రైక్...
మనం అనుకున్నలక్ష్యాన్ని సాధించి తిరిగి మన గమ్యానికి చేరుకోవడం.
1991 ప్రాంతంలో నేను సినిమా జర్నలిస్ట్ గా ఉండడం వల్ల సినిమా పరిశ్రమలోని వేదనలు వెలుగులు రంగులు విషాదాల చీకట్లు దగ్గరి నుంచి చూసే అవకాశం కలిగింది.
సిల్క్ స్మితను ఇంటర్ వ్యూ చేసినప్పుడు, రాజనాల గారిని కలిసినప్పుడు,కాంతారావు గారితో మాట్లాడినప్పుడు... ఏవీ తల్లి నిరుడు కురిసిన హిమసమూహములు.. అని అడగాలనిపించింది.
ఈ నవలలోని సంఘటనలు కల్పితమే అయినా ఎక్కడో మనలోని బాబొద్వేగాలను ప్రశ్నిస్తుంది.
ఒక ఆహ్లాదకరమైన అందమైన స్వచ్ఛమైన అక్షరకాలుష్యంలేని నవల విజేత అని నా ఫీలింగ్.
భావోద్వేగాలను ప్రేమించేవారికి నచ్చే నవల విజేత...
చతురలో విజేత నవల జులై 1997 లో వచ్చింది.
ఒక అందమైన మనసున్న, బావను తన ప్రాణం కన్నా ఎక్కువగా ప్రేమించే అమ్మాయి... "బావా.. నిన్ను సినిమా హీరోగా చూడాలని వుంది. నీ బొమ్మ మన టూరింగ్ టాకీస్ లో వస్తే ఈలలు వేయాలని వుంది" అని అమాయకంగా అడిగితే...
"అంతేనా... సరే అయితే.. నీకోసం హీరోని అవుతాను..." అని సినిమా రాజధానికి వెళ్లి, అంచెలంచెలుగా హీరో స్థాయికి ఎదిగి... హీరోగా తన సినిమా అంతా చూస్తుంటే, తను మాత్రం... ఒక నిర్ణయం తీసుకున్నాడు...
బావను హీరోగా చూసిన మరదలు బావతో చెప్పిన మాటలు భావోద్వేగాలను కంటతడి పెట్టేలా చేసాయి...
శ్రీ చలసాని ప్రసాదరావు గారికి, శ్రీరామోజీ రావు గారికి,
ఈ నవలను అభిమానించి, ఉత్తరాలవర్షంతో తడిపేసిన ఆనాటి పాఠకులకు, ఇప్పుడు ద్వితీయ ముద్రణగా కినిగె మరోసారి మీ ముందుకువస్తోన్న ఈ నవలను అక్కున చేర్చుకుంటోన్న మీకు కృతఙ్ఞతలు.
ఈ నవల మీద మీ స్పందన తెలియజేయండి.

Preview download free pdf of this Telugu book is available at Vijeta Manrobo Publications
Comment(s) ...

మనసుకు ఆహ్లాదాన్నే కాదు ప్రేమకు వ్యక్తిత్వవికాసానికి సరికొత్త నిర్వచనం చెప్పే నవల,సినిమా పరిశ్రమలోని అన్నికోణాలను ఆవిష్కరిస్తూ హీరోయిజానికి సరైన అర్థం చెబుతూ బావమరదళ్ళ ప్రేమకు ప్రాణం పోసిన అద్భుతమైన నవల.నెట్ ( అంతర్జాల వలయం) నుంచి కొత్తప్రపంచంలోకి అడుగుపెట్టినట్టుంది.

పల్లె నేపథ్యంలో అద్భుతమైన భావుకతను స్వచ్ఛమైన ప్రేమను ధీరోదాత్తతను అక్షరాల్లో ఆవిష్కరించిన నవల విజేత అనడంలో సందేహం లేదు.విజేత అంటే గెలిచినవాడు కాదు గెలిపించినవాడు..అని కొత్త అర్థాన్ని చెప్పిన ఈ నవల నేను దాదాపు ఇరవై సంవత్సరాల క్రితమే చతురలో చదివాను.ఆ కాపీ మిస్సయింది.ఇప్పుడు ఆన్ లైన్ లో చదివే అవకాశం వచ్చింది.
బావమరదళ్ళ మధ్య అపురూపమైన ప్రేమ మరదలి కోసం బావ సినిమా హీరో అవ్వడం...సినిమా హీరో అయ్యాక ఆ సినిమా విడుదలయ్యాక హీరో తీసుకున్న నిర్ణయమే కథానాయకుడిని అసలు సిసలైన విజేతగా మార్చింది...
ఈ నవలలో సిల్క్ స్మిత పాత్ర రాజనాల గారి పాత్ర లు కళ్ళ ముందు కదలాడేలా చేస్తాయి.సినిమా పరిశ్రమలోని విషాదం కోణాన్ని వెలికి తీస్తాయి.
భావోద్వేగాలను స్పృశించే నవల చదువుతుంటే అద్భుతమైన కొత్తప్రపంచంలో విహరిస్తున్నట్టు ఉంటుంది.

అచ్చతెనుగు వాతావరణంలో అద్భుతమైన ప్రేమకథ.బావమరదళ్ళ ప్రేమకు అర్థం చెప్పినకథ...విజేతకు నిర్వచనం చెప్పిన నవల.." విజేత " " గెలిచేవాడు కాదు గెలిపించేవాడు.".అన్న మాటల్లో ఎంతో అర్థం వుంది.సినెమనటుల జీవితాల్లోని మరోకోణాన్ని చూపించింది.వ్యక్తిత్వవికాసాన్ని నవలలో ఆవిష్కరించిన తీరు ప్రశంసనీయం.వెరసి విజేత నవల భావోద్వేగాలకు పెద్దపీట వేసింది.ఇరవైఏళ్ళ క్రితం చదివినా ఇప్పుడు మళ్ళీ మరోసారి చదివించిన నవల,,,కళ్ళముందు పాత్రలు వున్న ఫీలింగ్..ఇలాంటి నవలలను అందిస్తున్న కినిగెకు,విజయార్కె గారికి అభినందనలు..కృతఙ్ఞతలు.

మనసును పట్టి కుదిపేసింది విజేత నవల ..విజేత అనే పదానికి సరియన అర్థాన్ని చెప్పారు.బావమరదళ్ళ ప్రేమ ఇంత బావుంటుందా? సినిమా పరిశ్రమలో ఇన్ని భావోద్వేగాలు ఉంటాయా? ఇన్నిఉత్థాన పతనాలు ఉంటాయా? సిల్క్ స్మిత గారిని గుర్తుకు తెచ్చారు..విషాదాలను ఎమోషన్స్ ను బాలన్స్ చేసారు ...గెలిచిన తరువాత హీరో తీసుకున్న నిర్ణయం హేట్సాప్ ...అక్షరాలతో సన్నివేశాలను చూపించారు. విజయార్కె గారి మరణశాసనం ,నిర్ణయం నవలల తరువాత మరో విభిన్నమైన నవల విజేత ..