• Sri Sarada Devi Vachanamritam Charitramritam
  • Ebook Hide Help
    ₹ 30 for 30 days
    ₹ 64.8
    72
    10% discount

    Home delivery

    • fb
    • Share on Google+
    • Pin it!
  • శ్రీ శారదాదేవి వచనామృతం, చరితామృతం

    Sri Sarada Devi Vachanamritam Charitramritam

    Pages: 988
    Language: Telugu
    Rating
    5 Star Rating: Recommended
    5 Star Rating: Recommended
    5 Star Rating: Recommended
    5 Star Rating: Recommended
    5 Star Rating: Recommended
    '5/5' From 2 votes.
    5 Star Rating: Recommended
    5 Star Rating: Recommended
    5 Star Rating: Recommended
    5 Star Rating: Recommended
    5 Star Rating: Recommended
    '5/5' From 2 premium votes.
Description

ఇది "శ్రీ శారదాదేవి వచనామృతం", "శ్రీ శారదాదేవి చరితామృతం" అనే రెండు సంపుటాలు కలిసిన ఈ-బుక్.

* * *

శ్రీ శారదాదేవి వచనామృతం

''మీ మనస్సులను పావనం చేయగోరితే శ్రీ శారదాదేవి జీవితాన్నీ, ఆమె మహత్వాన్నీ గురించి చింతన చేస్తూవుండండి. దానికి మించిన ఉత్కృష్ట ఆధ్యాత్మిక సాధన మరొకటి లేదు'' అని ఒక సుప్రసిద్ధ తాత్వికుడు వ్యాఖ్యానించాడు.

ఒక స్త్రీ జీవితం ఎంతటి ఉన్నతోన్నత స్థితులను చేరుకోగలదో మాతృదేవి జీవితం చెప్పక చెబుతుంది. కనుక మాతృదేవి జీవితాన్ని ప్రగాఢంగా చింతన చేయడం మనస్సును పావనం చేసే ఆధ్యాత్మిక సాధన అనడం అతిశయోక్తి కాదు. జీవితంలో ఆధ్యాత్మికంగా ఉన్నత స్థితులను పొందడానికి ఇది మార్గాంతరంగా భాసిస్తుంది. ఆ మార్గాంతరమే ఈ 'వచనామృతం'. మాతృదేవి తమ బిడ్డలతో చేసిన సంభాషణలు ఈ గ్రంథంలో పొందుపరచబడ్డాయి. వీరిలో స్త్రీలు, పురుషులు, గృహస్థులు, సన్న్యాసులు ఉన్నారు.

అసాధారణ కుటుంబ పరిస్థితులు, ఎనలేని బాధ్యతలు, వీటన్నికీ మించిన ఆధ్యాత్మిక మహోన్నతాలను మాతృదేవి జీవితంలో మాత్రమే మనం చూడగలం. బట్టలు ఉతికేవారు, ఇల్లు ఊడ్చేవారు, కాయగూరలు తరిగేవారు, వంట చేసేవారు, పిల్లలు భోజనం చేశాక ఆ స్థలాన్ని శుభ్రపరిచేవారు - వీటన్నింటి నడుమ మంత్రదీక్ష ప్రసాదించారు, బ్రహ్మచర్య సన్న్యాస దీక్షలు ఒసగారు. తమ సంశయాలను అడిగిన జిజ్ఞాసువులకు అద్భుత జవాబులిచ్చి, వారందరికీ ఆధ్యాత్మిక ద్వారాలను తెరచి పెట్టారు. ఈ అత్యద్భుతాలను అనేక పరిమాణాలలో ఈ గ్రంథం మనకు తెలుపుతున్నది.

శ్రీ శారదాదేవి చరితామృతం

ఈ గ్రంథం భక్తురాలుగా, కర్మవీరాంగనగా, యోగినిగా, జ్ఞానిగా జీవించి తరించిన ఒక మహిళారత్నం జీవితగాథ. అంతేకాదు. ఆవిడ వివాహిత. భర్తకు తగిన భార్యగా ఆమె జీవించారు, కాని కన్యగానే జీవితం గడిపారు. కన్యగా జీవించినప్పటికీ, 'అమ్మా, అమ్మా' అని వేలాదిమంది సంబోధించే రీతిలో తల్లిగా మెలగి జీవించారు. అసాధారణమైన కుటుంబ పరిస్థితులలో జీవించారు. అయినా సన్న్యాస చక్రవర్తులను ఉత్పన్నం చేసే సన్న్యాస నిలయంగా విరాజిల్లారు. ఈ రకంగా ద్వంద్వాలైన సమస్తాన్ని మేళవించి అలరారింది ఆమె మాతృత్వ భావన. ఆమె మహజ్జీవితం మూలంగా స్త్రీత్వం పావనమైంది, భార్య అనే స్థానం గౌరవాన్ని సంతరించుకొంది, మాతృత్వం విశిష్ట స్థానాన్ని పొందింది. అవును, మాతృమూర్తి శ్రీ శారదాదేవి జీవితం ఒక అద్భుతం!

1940లో శ్రీమత్‌ తపస్యానంద స్వామివారి ఆంగ్ల గ్రంథంమూ, తరువాత వెలువడిన పలు వంగ, ఆంగ్ల గ్రంథాలూ, పరిశోధనాత్మక వ్యాసాలూ శ్రీ శారదాదేవి జీవితంపై నూతన వెలుగులను ప్రసరించాయి, సాటిలేని ఆమె మహజ్జీవితంలో నూతన పరిమాణాలను వ్యక్తం చేశాయి. పై గ్రంథాలనూ, వ్యాసాలనూ ఆధారంగా చేసుకొని ఈ 'చరితామృతాన్ని' తేటతెలుగులో అనుసృజించారు. శ్రీ శారదాదేవి పావన జీవితం పాఠకుల జీవితాలలో పావనతను నింపుతుందనడంలోను, జ్ఞానజ్యోతిని దేదీప్యమానంగా ప్రజ్వలింప చేస్తుందనడంలోను ఎలాంటి సందేహమూ లేదు.

గమనిక: "శ్రీ శారదాదేవి వచనామృతం, చరితామృతం" ఈ-బుక్ సైజు 25.5MB

.

Preview download free pdf of this Telugu book is available at Sri Sarada Devi Vachanamritam Charitramritam