అడపా చిరంజీవి గారు రాసే ప్రతి నవల లో ఎత్తుగడ చాలా గొప్పగా వుంటుంది.దాంతో నవలకు మనం ఫెవికోల్ లా అతుక్కుపోయి ఏకబిగిన చదివేటట్టు చేస్తారు. ఆయన రాసే ప్రతి నవలలో తననే ఓ పాఠకుడిగా ఊహించుకుంటూ రాస్తారేమోనని నాకు అనిపిస్తుంది. ఎందుకంటే నవలలో బోరుకొట్టే వర్ణనలు గానీ అనవసరమైన డైలాగులు గానీ ఎక్కడా కనిపించవు.చిరంజీవి గారు రాసిన జానపద నవలలు పులిమీద పుట్ర , కపాల దుర్గం, వజ్రాల దీవి, రవ్వల మేడ లాంటి నవలతోపాటు హారర్ నవల గాలి బంగ్లా కూడా ఎంతో బావుంటుంది. ఇప్పుడు ఈ నిశాచరుడు నవల చదువుతున్నప్పుడు ఓ సస్పెన్స్ సినిమా చూస్తున్న ఫీలింగ్ కలిగింది. దీన్ని సినిమాగా రూపొందించడానికి అన్ని విధాలా సరిపోతుంది.సినిమా డైరెక్టర్ అయిన నేను ఇలాంటి నవలను సినిమాగా తీయాలని వుంది. నేను ఓ ప్రొడ్యూసర్ కు ఈ నవల చదవమని ఇచ్చాను. ఆయన కు నచ్చి సినిమా చేద్దామంటే త్వరలోనే ఈ నవల సినిమాగా రూపుదిద్దుకుని మీ ముందు వుంటుంది. విష్ మీ ఆల్ ద బెస్ట్!.....గాంధీ మనోహర్.. ఫిల్మ్ డైరెక్టర్.