“బాస్.. పార్కర్ డ్రీమ్‌లాండ్ నుంచి ఫోన్ చేస్తున్నాను. మా ఎదురుగా వున్నవాడు జాకాల్ అని సందేహంగా వుంది!” అన్నాడు నున్నగా గుండు గీసుకున్న ఓ అనుచరుడు. “బాబు తాగుతున్న సిగరెట్ కూడా అదే బ్రాండ్!”
ఫోన్‌లోంచి ముత్తురామన్ నవ్వు గరగరా వినిపించింది. “ఒరే తంబి! మావాడు తన ప్రియురాలు బుల్‌బుల్ దగ్గర ఉన్నాడని ఇప్పుడే కబురొచ్చింది. ఇంకేమీ ఆలోచించకండి. కిల్ హిమ్ క్విక్!" అని అరిచాడు.
అంతే... ఆ నలుగురు దుండగులు రివాల్వర్స్ గురిపెట్టి, సూరిపండుని షూట్ చేశారు. ఆ వీధంతా బుల్లెట్ శబ్దాలతో ప్రతిధ్వనించింది.
వరసగా దూసుకొచ్చిన తూటాలు అతడి ఛాతీని, వెన్నుని తాకాయి. ముత్తురామన్ అనుచరుడు గుండుగాడి సెల్ మోగింది. వాడు ఫోన్ ఎత్తాడు. “బాస్... మీరు చెప్పినట్టే వాణ్ణి చంపి పారేశాం! వాడి శరీరంలోకి ఎన్ని బుల్లెట్లు దిగాయో చెప్పడం కష్టం...." అన్నాడు.
చదవడం మొదలుపెడితే ఊపిరి పీల్చుకోవడం కూడా కష్టం!
సస్పెన్స్ గుర్రాలను మెరుపు వేగంతో పరుగులు తీయించే అడపా చిరంజీవి డిటెక్టివ్ నవల!
మనీ అండ్ బుల్లెట్స్